ලෙහ්මන්ගේ ට්විටර් ගිණුම තහනම් කිරීම ධනපති ප්රජාතන්ත්රවාදයේ බංකොලොත්කම එලිමහනට
![Twitter locks account of Will Lehman, rank-and-file candidate for UAW president, in act of censorship](https://www.lankaskynews.com/wp-content/uploads/2022/10/download.jpg)
ඇමරිකාවේ එක්සත් මෝටර් කම්කරු සමිතියේ (යූඒඩබ්ලිව්) සභාපති ධූරාපේක්ෂක හා සාමාන්ය මෝටර් රථ කම්කරුවෙක් වන විල් ලෙහ්මන්ගේ ට්විටර් ගිණුමට එම සමාගම විසින් පනවනු ලැබ තිබූ තහනමට විරුද්ධව කොළඹ ක්රියාකාරී කමිටුව (කොක්රික) සිට ගනී.
තහනම පනවා තිබුනේ කිසිදු පූර්ව දැනුම්දීමකින් තොරව හා කවර රීතියක් උල්ලංඝනය කර ඇත්තේද යන්න පවා නොදක්වමිනි.
පැහැදිලිවම, මෙම තහනම ලෙහ්මන්ට ලැබෙන පුලුල් සහයෝගයෙන් භීතියට පත්ව සිටින බඩජාරී වෘත්තීය සමිති නිලධරයේ හා කම්කරුවන් සූරාකන සමාගම් හිමියන්ගේ අවශ්යතාවය පරිදි සිදුවූවක් බවට සැකයක් නැත.
තහනමට එරෙහිව වර්ධනය වූ මහජන විරෝධය මධ්යයේ පැය විසි හතරක් ගතවන්නට පෙර තමන්ගේ ‘දෝශයක්’ බව පවසමින් තහනම අවලංගු කරනු ලැබ ඇතත්ළ, තම ක්රියාව ගැන කිසිදු වග කිවයුතු ප්රකාශයක් ට්විටර් සමාගම විසින් සිදු කර නැත. ගිනුම තහනමට ගනු ලැබුවේ කවර රීතියක් කඩකිරීමක් පිළිබඳව, කවරෙකුගෙන් ලැබුනු තොරතුරක් මතද යන්න ට්විටර් සමාගම හෙලිදරව් කළ යුතු ය.
ලෙහ්මන්, ‘සමාගම්වල උප දෙපාර්තමේන්තුවක්’ ලෙස තමන් විසින් නිවැරදිව නම් කරනු ලැබූ යූඒඩබ්ලිව් යාන්ත්රණය අහෝසි කිරීමේ හා සාමාන්ය කම්කරුවන් වෙතට බලය මාරු කිරීමේ ක්රියා මාර්ගයක් ඉදිරිපත් කර යි.
මැතිවරණය තුල එකම සමාජවාදී අපේක්ෂකයා ඔහුය.
ලෙහ්මන්ගේ අරගලය සම්බන්ධයෙන් ආරම්භයේ සිටම අප අවධානයෙන් සිට ඇත.
ඔහු පෙනී සිටින්නේ ගෝලීය වශයෙන් අවශ්ය සම්පත් සහ ධනය නිර්මාණය කරන බහුතරයක් වන කම්කරු පන්තියේ ප්රජාතන්ත්රවාදය වෙනුවෙනි.
ඇමරිකානු ජනතාවගෙන් කිසිදු විමසීමක් නොකර බයිඩන් ආණ්ඩුව බිලියන ගණනින් මහජන මුදල් යුද්ධයට වැය කරයි. දැන් යුක්රේනයේ, රුසියාවේ හා ගෝලීය කම්කරු පීඩිත ජනයාගේ වියදමින් අධිරාජ්යවාදී මූල්ය ආධිපත්යයේ අවශ්යතා සදහා ඇමරිකාව යුක්රේනය තුල යුද වදී.
අනික් පසින්, එක්සත් ජනපදය යුද වදින්නේ එරට මානව සම්පත් යොදවා විවෘත යුද්ධයක් ගෙන යාම මගින් රට තුල ඇති විය හැකි අර්බුදය හා පන්ති අරගලය මග හැර යාමට ය.
වෘත්තිය සමිති මූල්ය ප්රාග්ධනයේ සියලු අවශ්යතා වෙනුවෙන් කම්කරු පන්තිය බිලි දීමට සෑම අතින් ම වැඩ කර ඇත.
පුළුල්වන සමාජ අසමානතාවයේ ක්රමය තවදුරටත් පවත්වාගෙන යෑම සඳහා ලොව සෑම රටකම පාලක පන්ති මේ අයුරින් කම්කරු, පීඩිත ජනතාවගේ ප්රජාතන්ත්රීය අයිතීන් අහෝසි කරයි.
![](https://www.lankaskynews.com/wp-content/uploads/2022/10/c22643db377db411d117f7b67afa16aa78effc54-1024x798.png)
ලොවපුරා මාධ්ය ආයතන මහජනයාට විරුද්ධ මෙවැනි ප්රජාතන්ත්ර විරෝධී පියවරයන් ගැනීම, මෙම ආයතන ධනේශ්වර ග්රහණයෙන් මුදවා කම්කරු මහජනතාවගේ අධිකාරිය යටතට ගැනීමේ අවශ්යතාවය අවධාරණය කරයි.
දියුනු ධනපති රටවල මෙන් ම, පසුගාමී රටක් වන අප ජීවත් වෙන ශ්රී ලංකාවේ පාලක පන්තිය හා ඔවුන්ගේ මාධ්ය ආයතන මහජනයා තලා දැමීම හා විකල්ප අදහස් මැඩීම සඳහා රාජ්ය මර්දන යාන්ත්රනය මුවහත් කරමින් සිටී.
මෙය සිදු වන්නේ වෘත්තිය සමිතිවල පූර්න අනුග්රහයෙනි. පසු ගිය අප්රේල් මාසයේ සිට මේ දක්වා අවසන් වී නොමැති දශලක්ෂ ගනන් මහජනයා සහභාගී වූ අරගලයට හිටුපු අගමැති මහින්ද රාජපක්ෂගේ මැර කල්ලිය එල්ල කල ප්රහාරයට එරෙහිව වරාය, සෞඛ්ය සහ අනෙකුත් ක්ෂේත්රවල කම්කරුවෝ වහා මැදිහත් වී රාජපක්ෂට අගමැති ධූරය හැර යන්නට කටයුතු සැලසූහ.
පසුව ජනාධිපති ගෝඨාභය රාජපක්ෂ ද පලවා හැරුණි. ඉනික්බිති ඇමරිකානු ගැති කුප්රකට දේශපාලනඥයකු වන රනිල් වික්රමසිංහගේ ආණ්ඩුව පිහිටු වූයේ අරගලය මගහැර, මහා වැඩවර්ජන දෙකක් පාවා දෙමින් කටයුතු කළ වෘත්තීය සමිති වල සහයෝගයෙනි.
ශ්රී ලංකාවේ කම්කරුවන් හා ගොවි ජනතාව ඇතුළු පීඩිත මහජනයා, ලෙහ්මන්ගේ හා ඇමරිකානු කම්කරු පන්තියේ ප්රජාතන්ත්රීය අයිතීන් ආරක්ෂා කිරීමේ අරගලයට බද්ධ කිරීම සඳහා අප ක්රියාකාරී කමිටුව කටයුතු කරනු ඇත.
ලෝක යුද්ධය නතර කරනු සදහා ද, ප්රජාතන්ත්රවාදී අයිතීන් ආරක්ෂා කිරීම සදහා ද මෙම ජාත්යන්තර එකමුතුව දිගටම පවත්වා ගැනීමට ද කොලඹ ක්රියාකාරී කමිටුව අධිෂ්ඨානශීලී ව ක්රියාකරනු ඇත.
කොළඹ ක්රියාකාරී කමිටුව