අධිරාජ්යවාදය ගාසා තීරය ලේ විලක් කිරීමට සැරසෙයි
![](https://www.lankaskynews.com/wp-content/uploads/2023/10/1696934169330.jpg)
අපේ ලියුම්කරු විසිනි.
![](https://www.lankaskynews.com/wp-content/uploads/2023/10/image-2-1024x576.png)
ඊශ්රායලයේ බෙන්ජමින් නෙතනයාහුගේ පාලන තන්ත්රය, අධිරාජ්යවාදී සියලු මධ්යස්ථානවල පූර්න අනුමැතිය හා සහාය සහිතව, වර්ග සැතපුම් 141ක් වන ගාසා තීරයේ ජීවත් වන මිලියන දෙකකට අධික ජනයාට ආහාර, ඉන්ධන යනාදී අත්යාවශ්ය දෑ අවහිර කරමින් ද, ගුවන් හා මිසයිල් ප්රහාරවලට ඔවුන් ගොදුරු කර ගනිමින් ද, සමූල ඝාතක යුද්ධයක් අරඹා ඇත. ඊශ්රායලය සඳුදා කියා සිටියේ, ප්රහාර එල්ල කරන අතරම තමන් මෙකී අත්යවශ්ය ද්රව්ය – එනම්, “ආහාර, ඉන්ධන හා ඖෂධ ආදී සියල්ල – වලක්වන” බව ය. සඳුදා එල්ල කල ප්රහාරය එතෙක් මෙතෙක් ගාසා තීරයට තමන් විසින් එල්ල කෙරුනු විශාලතම ප්රහාරය බව ඊශ්රායලය පවසයි.
ප්රහාරය මගින් පැය 24ක් තුල 187,518 නිවාස හැර ගොස් ඇති බව එක්සත් ජාතී්ගේ සංවිධානය වාර්තා කර ඇත. එයින් 137,427ක් පාසැල් 43 ක නවාතැන් ගෙන ඇති අතර, 41,000කගේ නිවාස මුලුමනින් ම විනාශ වී හෝ අලාභහානි වී ඇති නිසා නෑ-හිතවතුන්ගේ නිවෙස්වල රැකවරන ලබති.
සඳුදා, ගාසා නගරයට උතුරින් පිහිටි ජබාලියා සරනගත කඳවුරට බෝම්බ හෙලන ලදී. එහි සිටි එක් වාර්තාකාරිනියක් සඳහන් කර ඇත්තේ, සිය ජිවිත මුලුමනින් ම අනාරක්ෂිත බව ය. මේ වන විටත් පුවත්පත්කලාවේදීන් දුසිම් භාගයක්වත් බෝම්බ ප්රහාරවලින් මරනයට පත් වී ඇත.
එක්සත් ජනපදයේ රිපබ්ලිකන් සෙනෙට් සභිකයෙකු වන ජෝෂ් හෝලි සමාජ මාධ්ය ඔස්සේ කර ඇති ප්රනාශයක් අද “අල් ජසීරා” වාර්තා කර ඇත. “ඊශ්රායලය පැවැත්ම පිලිබඳ තර්ජනයකට මුහුන දී සිටී. යුක්රේනයට දෙන කවර හෝ අරමුදලක් වේ නම් එය වහා ම ඊශ්රායලයට හරවා යැවිය යුතු ය.” ඒ වන විටත් ඇමරිකානු යුද නැවක් ඊශ්රායලයට සහාය පිනිස වහා යවනු ලැබ තිබිනි.
මේ අතර ඇමරිකානු ඒකාබද්ධ කාර්ය මන්ඩල ප්රධානීන්ගේ සභාපති ජෙනරාල් චාල්ස් කිව්. බ්රවුන් “මෙම සටනට අත නො දමන්නැයි (not get involved) ඉරානයට තර්ජනය කර ඇත.
එක්සත් රාජධානියේ විදේශ ලේකම් ජේම්ස් ක්ලෙවර්ලි ප්රකාශ කර ඇත්තේ “ගාසා තීරය මුලුමනින් අවහිර කිරීමට” තමන් විරුද්ධ නො වන බවයි. “පලස්තීන ජනයා අතර තමන්ගේ ම ආරක්ෂාව සලසා ගැනීමට” හමාස් සංවිධානයට එවිට සිදු වනු ඇත යන නරුම ප්රකාශය ඔහු ඊට එකතු කර ඇත.
කොටු කරනු ලැබූ සිවිල් ජනතාව හා ස්ථාන ඉලක්ක කරගනිමින් බෝම්බ හෙලන සෑම මොහොතකම ජාත්යන්තර මානුෂවාදී නීති සම්මුතීන් අමු අමුවේ උල්ලංගනය කර ඇති
නෙතනයාහු යුධ අපරාධ කරුවෙකි. එහෙත් අධිරාජ්යවාදය මෙම සම්මුති මායිම් කරන්නේ නැත. යුක්රේනයේ හිටපු නාසි ඝාතකයන් කැනේඩියානු පාර්ලිමේන්තුව තුල උත්කර්ෂයට නංවමින් ද, නව නාසි වාදීන්ගේ නියෝජිතයෙක් වන සෙලෙන්ස්කිගේ ආන්ඩුවයට සියලු මිලිටරි හා මූල්යමය සහාය දෙමින් ද සිටින අධිරාජ්යවාදයට ඊශ්රායලයේ අපරාධවලට එරෙහි පුලුල් ව්යාපාරය “යුදෙවි විරෝධය” ලෙස හංවඩු ගැසීම නරුමවාදයකි. එහි අර්ථය ඊශ්රායලයේ ලේ පිපාසිත සියෝන්වාදය වහංගු කිරීමයි.
thesocialist .lk වෙබ් අඩවියෙන් උපුටා ගත්තකි .