ජාජබ/ජවිපෙ ආණ්ඩුව පලස්තීනය සම්බන්ධව අනුගමනය කරන්නේ දෙබිඩි පිළිවෙතක් – ජනමාධ්‍යවේදියෙක් අපි කිසිම විධියකින් දෙබිඩි පිළිවෙතක නැහැ- ජනමාධ්‍ය ඇමති
පලස්තීනය සම්බන්ධයෙන් අපි කිසිම දෙබිඩි පිළිවෙතක් අනුගමනය කරන්නේ නැහැ. අපිට මෙහි දි වැදගත් වන්නේ ජාතික ආරක්ෂාව. ජාතික ආරක්ෂාව අනතුරේ දමන පළුදු වෙන බව දැනෙන ප්‍රකාශ සම්බන්ධයෙන් සහ සිදුවිම් සම්බන්ධයෙන් විමර්ශන කරන බව ජනමාධ්‍ය හා සෞඛ්‍ය අමාත්‍ය නලින් ද ජයතිස්ස පවසයි.
ඔ්නෑම සමාජයක අදහසක් ප්‍රකාශ කිරීම පිළිබද නොව, ඒ අදහස අන්තවාදී ප්‍රචණ්ඩ ක්‍රියා ජාලාවකට අභිප්‍රේරණය වෙනවා නම් ඒ ගැන සැලකිලිමත් විය යුතුයි.රටක් හැටියට කවුරුත් පිළිගන්න ඔ්නේ. මුලු මහත් සමාජයක්ම පුද්ගලයන් කිපදෙනෙක් මේවැනි ප්‍රකාශ වලින් අවුල් කරන්න පුළුවන් බව අමාතයවරයා පෙන්වාදුන්නේය.
ඒ වැනි ප්‍රකාශ වලින් සිදු කරන බලපෑම බෝම්බ ප්‍රහාරවල් පවා එල්ල කරන තත්වය තල්ලු කරන්න පුළුවන්. එම සිදු කරන ප්‍රකාශ වලින් ප්‍රචණ්ඩත්වයට අභිප්‍රේරණයක් සිදු වෙලා ද යන්න පිළිබදව විමර්ශන සිදු කරනවා. පලස්තීනයට සහයෝගය දැක් වුවා කියලා අත්අඩංගුවට අරගෙන නැතැයි අමාත්‍ය නලින් ද ජයතිස්ස පැවසිය.
අමාත්‍යවරයා එසේ කිවේ කිරුළපන පොල්හෙන්ගොඩ රජයේ ප්‍රවෘත්තී දෙපාර්මේන්තුවේ කැබිනට් තීරණ දැනුම් දිම සදහා පැවති ප්‍රවෘත්තී සාකච්ජාවේදී ලංකා ස්කයි නිව්ස් මාධ්‍යවේදීයා නැගු ප්‍රහ්නයකට පිළිතරු දෙමින්ය.
මාධ්‍යවේදීයා නැගු ප්‍රශ්නය
මේ තරුණයා අත්අඩංගුවට ගන්න ආසන්තම හේතුව ස්යීකරය. පස්සේ පොලිසිය මාධ්‍ය නිවේදනයක් නිකුත් කරලා කියනවා මොහු අන්තවාදියෙක් කියලා. මේ තරුණයාව උලමා සභාවට අරගෙන යන්නේ ඇයි ?ඔහුව සි.සි.ඩි, එකේ රදවාගෙන ඉන්නේ රුදවුම් නියෝග යටතේ. පොලිසිය එහෙම අත්අඩංගුව ගත්ත කෙනෙක් මුලින්ම අධිකරණයට වාර්තා කරලා ඒ හරහා තමයි ඔහුව මානසික වෛද්‍යවරයෙකු ඉදිරිපත් කළ යුත්තේ. උලමා සභාවට එම තරුණයා ඉදිරිපත් කළේ ඇයි . පොලිසිය උලමා සභාවට පෙන්නන් හෝ උපදේස් ගන්න තිබෙන නීතිමය බැදිම මොකක්ද? උලමා සභාව කිව්වාලු එම තරුණය රැඩිකල්වාදියෙක් පුනරුත්ථාපනය කරන්න කියලා . එහෙම කියන්න උලමා සභාවට තිබෙන විශේෂඥ දැනුම මොකක්ද? දැන් ඔබතුමන් පලස්තින සංහාරයට එරෙහිව රෝමයේ උද්ඝෝෂණ කරනවා. ලංකාවේ ස්ටීකරයක් අලවපු , ඊශ්‍රායලයට ඒරෙහිව කවියක් ලියපු සහ පලස්තිනයට පක්ෂව විඩියෝ එකක් හුවමාරු කළ තරුණයන්ගෙන් පොලිසිය කටඋත්ත ලබා ගන්නවා , ඔවුන්ව බිය ගන්නවා. මෙතැන තමා ප්‍රශ්නය තියෙන්නේ. ඔබතුමන් අනුගමනය කරන්නේ දෙබිඩි පිළිවෙතක්නේද? බලයට ආවාට පස්සේ බලයට එන්න කලියෙන් මාර ඊශ්‍රායල් විරෝධියෝ. මම කෙලින්ම චෝදනා කරන්නේ ජාජබ ආණ්ඩුව වගේම ජවිපෙ අනුගමනය කරන්නේ දෙබිඩි පිළිවෙතක් කියලා?
වෙනත් මාධ්‍යවේදයෙකු නැගු ප්‍රශ්නය
මාර්තු 23 වන දා කොම්පඤ්ඤ විදියේ දී තරුණයෙකු අත්අඩංගුවට ගන්නවා .අත්අඩංගුවට ගත්තාට පස්සේ මාර්තු 26 වනදා පැවති කැබිනට් තීරණ දැනුම්දීමේ මාධ්‍ය සාකච්ජාවේදී මම නැගු ප්‍රශ්නයට පිළිතුරක් විධියට ලබා දුන්නේ ඒ පිළිබද දැනුවත් නැහැ මේ සතියේ පිළිතුරක් ලබා දෙනවා කියලා. මාර්තු 28 වනදා කොම්පඤ්ඤවිදීයේ පොලිස් මුලස්ථානය ඉදිරිපිට විරෝධතාවයක් පැවත් වුණා . ඒ වනතෙක් පොලිස් මාධ්‍ය ප්‍රකාශක මාධ්‍ය නිවේදනයක් නිකුත් කළේ නැහැ. මාර්තු 30 වනදා පොලිස් මාධ්‍ය නිවේදනයක් නිකුත් කරනවා මෙම තරුණයා රැඩිකල් වෙලා ඒ නිසා අත්අඩංගුවට ගත්තේ කියලා. එම මාධ්‍ය නිවේදනයේ සදහන් කරලා තියේනවා. නමුත් පැහැදිලිව ඒ තරුණයා අත්අඩංගුවට ගන්නේ ෆක් ඊශ්‍රායල් කියලා ස්ටීකර් එකක් අලවපු නිසා. එරාවුල් වල තරුණයෙකු පොලිසියට කැදවලා ප්‍රශ්න කරලා තියෙන්වා. පලස්තීනයට එරෙහිව කවියක් පල කළා කියලා. දකුනු පළාතේ තරුණයෙකු පලස්තිනය සම්බන්ධව විඩියෝ එකක් හමුමාරු කළා කියලා එම තරුණයාව පොලිසියට කැදවලා කටඋත්තර ලබාගෙන, දුරකතනය පොලිස් බාරයේ තබා ගෙන ඉන්නවා. ඊට පස්සේ මාර්තු 28 උද්ඝෝෂණය සංවිධානය කළ සංවිධාකයාගේ නිවස මාර්තු 28 සී.සී.ඩි. එකෙන් පරික්ෂා කරලා අහලා තියෙන්නේ මුද්‍රණය කළ ස්ටීකර් කෝ කියලා. පස්සේ මාර්තු 28 ඔහුව කොළඹ උතුර අපරාධ කොට්ඨාශයට කැදවලා දවසම පුරා තියා ගන්නවා. බේජන්මින් නෙතනයානු ත්‍රස්තවාදියෙකු වන්නේ කෙසේද? ලංකාවේ ඉදලා ඇයි පලස්තිනයට සහයෝගය දක්වන්නේ ඇයි ඔහුගෙන් ප්‍රශ්න කරල තියේනවා. පොලිසියේ ක්‍රියාකලාපය ආණ්ඩුව අභිබවා ගිහිල්ලා තියෙනවා. ඒහෙම වෙන්නේ ඊශ්‍රායලට යටත් වෙලා කියන සැකය අපට තිබෙනවා? ඔබතුමන්ලා පලස්තිනයට පක්ෂ වැඩ කරන අතරේ මේ වැනි අත්අඩංගුවට ගැනිම් සාධාරණද? ඒ වගේම අපි දකිනවා ලංකාවේ විහේෂයෙන් කොළඹ නගරයේ විවිධ ස්ථාන වල ඊශ්‍රායල් සංස්කෘතික මධ්‍යස්ථාන ඉදිවෙනවා. පසු සතියේ අගමැතිතුමීය පාර්ලිමේන්තුවේදී කියනවා එක නීතිවිරෝධී කියලා කොල්ලුපිටියේ රෙඩ් සිනමන් එක ඉදිරිපිට ඉදිරි කිරිම් සිදු වන්නේ පොලිස් විශේෂ කාර්ය බලකායේ සහ පොලිසියේ ආරක්ෂාව ඇතිව. මේ සියලුම දෙවල් සිද්ධ වෙන්නේ ඇමරිකානු -ඊශ්‍රායල් බලපෑම නිසාද?
සමස්ත ලංකා ජමෙයිත් උලමා සංවිධානය අත්අඩංගුවේ පසුවන තරුණයා සමාන්‍ය මුස්ලිම් ජාතිකයෙකුට එහා ගිය තත්වයක් තියෙනවාලු .ඒ නිසා එම තරුණයාව පුනරුත්ථාපනය කරන්න ඔ්නේ කියලා උලමා සභාව පැවැසුවා කියලා තමයි පොලිස් මාධ්‍ය ප්‍රකාශක බී.බී.සී. එකට කියන්නේ. නමුත් උලමා සංවිධානය එහෙම ප්‍රකාශයක් කළේ නැහැ කියලා ප්‍රතික්සේප කරනවා. පොලිස් මාධ්‍ය ප්‍රකාශක කියන්නේ පට්ටපල් බොරු. අත්අඩංගුවට ගන්නේ ස්ටීකර් ඇලෙව්වා කියලා ,ඊට පස්සේ ජමෙයිත් උලමා සංවිදානය ගාව ගනනවා. මොකද මේ වෙන්නේ . පසුගිය ආණ්ඩු ත්‍රස්තවාදී පනත් උපයෝගී කරගෙන මහ දවල් අත්අඩංගුවට ගත්තා. ඔබතුමන්ලා රැ හැංගි හැංගි ත්‍රස්තවාදී පනත උපයෝගී කරගෙන අත්අඩංගුයට ගන්න බවක් තමයි පෙනෙන්නේ?
පිළිතුර – පලස්තීන සහයෝගිතා ව්‍යාපාර විවිධ අයුරින් විරෝධතා දක්වනවා.පලස්තීනයට එරෙහිව ස්ටිකර් එකක් අලෙව්වා කියලා අත්අඩංගුවට ගන්න හේතුවක් නැහැ. සමහර පුද්ගලයන්ගේ ක්‍රියාවන් ත්‍රස්තවාදි හෝ ප්‍රචන්ඩ ක්‍රියාවන් සදහා අභිත්ප්‍රේරණ සපයනවා ද යන්න පිළිබදව විමර්ශන සිදු කෙරේනවා. ගසා තිරයේ අහිංසක ජනතාවට එල්ල වෙන මෙම මිලේච්ජ ප්‍රහාරයන් අපි හෙළා දකිනවා. ඒ ජනතාවට නිදහසේ ජිවත් විමට ඇති අයිතිය වෙනුවෙන් පෙනී සිටිනවා. ලෝකයේ මොනම තැනක අධිපතිවාදයෙන් හෝ බලහත්කාරයෙන් යටත් කර ගන්නවාට අපි විරුද්ධයි. රෝහල් සහ දහස් ගණන් ළමුන් ඝාතනය කිරිම අපි කිසිසෙත් අනුමත කරන්නේ නැතීවා පමනක් නොව ඊට සම්පුරණයෙන්ම විරුද්ධයි.