පලස්තීන ජනයාට එරෙහිව අරඹා ඇති සමුලඝාතක යුද්ධය වහා නතර කරන්නැයි ශ්‍රී ලංකීකයෝ ඉල්ලති
සටහන සහ ජායාරූප ශාන්ත විජේසුරිය
පස්තීනයට එරෙහි යුද්ධය වහා නතර කරන්නැයි එක්සත් ජාතීන්ගේ සංවිධානයට බල කර අද(16) දහවල් කොළඹ තුම්මුල්ලේ බෞද්ධාලෝක මාවතේ පිහිටි එම කාර්යාලය ඉදිරිපිට විරෝධතා උද්ඝෝෂණයක් පැවැත්විණ .
මෙම විරෝධතා උද්ඝෝෂණය ජන අරගල ව්‍යාපාරය මගින් සංවිධානය කර තිබුණි .
ඇමරිකානු -ඊශ්‍රායල ලේ පිපාසිත යුදකාමය පරාජය කරමු! පලස්තීන් -ඊශ්‍රායාප් සිවිල් වැසියන් ඝාතනය හෙළා දකිමු ! නෙත්යානු -බයිඩන් ම්ලේච්ජත්වයට එරෙහි වෙමු සහ නිදහස් පලස්තීනය පිළීගනිමු යන සටන් පාඨ සහිත පුවරු ඔසවාගත් විරෝධතාකරුවෝ සටන් පාඨ කියමින් පැය දෙකක පමණ කාලයක් , යුද්ධය නතර කිරීමට එක්සත් ජාතීන්ගේ සංවිධානයට මැදිහත් වන්නැයි සිය විරෝධය ඵල කර සිටියහ .
මෙම විරෝධතා උද්ඝෝෂණය සදහා පන්සීය පමණ පිරිසක් සහභාගි වි සිටි අතර ඒ අය අතරින් බහුකරය මධ්‍යඹ පාන්තික මුස්ලිම් කාන්තාවන් ,තරුණයන් සහ කුඩා දරුවන් වුහ .
