මදුෂාන් -නදුන් නිදහස් කරනු! කුසලතා පදනම මත සම සෞඛය උපාධිය දෙනු!
විශ්ව විද්‍යාල ප්‍රතිපාදන කොමිසම් සභාව අනුමත කුසලතා පදනමින් සමසෞඛය උපාධිධාරීන් සේවයට බදවා ගන්නැයි සහ සත්‍යග්‍රහනයේදී අත්අඩංගුවට ගත් අන්තර් විශ්ව විද්‍යාල ශිෂ්‍ය බල මණ්ඩලයේ කැදවුුම්කරු මදුෂාන් චන්ද්‍රසිරි සහ සම සෞඛ්‍ය එකතුවේ ලේකම් සදුන් දර්ශන යන අය වහා නිදහස් කරන්නැයි ආණ්ඩුවට බල කර අද (01) දහවල් 12ට කොළඹ ජාතික රෝහලේ බණ්ඩාරනායක ගොඩනැගිල්ල ඉදිරිපිට විරෝධතා උද්ඝෝෂණයක් පැවැත්විණ.
එම විරෝධතා උද්ඝෝෂණය සංවිධානය කර ඇත්තේ , ඒකාබද්ධ සෞඛ්‍ය සේවක සංගමය ,ඒකාබද්ධ හෙද සේවක සංගමය සහ සමස්ථ ලංකා රජයේ වෛද්‍ය නිලධාරීන්ගේ සංගමය යන සංගම් මගින්ය.
අවුරුදු හතරක වෘත්තීය පාඨමාලාවකින් උපාධිි සම්පුර්ණ කළ උපාධිධාරීන්ව රජයේ සෞඛ්‍ය සේවයට බදවා ගැනීම ප්‍රමාද කරන්නේ සහ තරග විභාගයකින් යැයි පවසා සමාන්‍ය දැනීම හා බුද්ධි පරික්ෂණය නඩගමේ ඇත්ත උවමනාව කුමක්දැයි සම සෞඛ්‍ය සිසුන් ප්‍රශ්න කර සිටි.
ඉතා ඉහල ජාත්‍යන්තර ප්‍රමිතියකින් යුතු රාජ්‍ය විශ්ව විද්‍යාලවල සම සෞඛ්‍ය උපාධිය පසුපසට තල්ලු කරමින් පුද්ගලික සම සෞඛ්‍ය උපාධිය වෙළදාම් කිරීමට ආණ්ඩුව හවුල් වී ඇතැයි ශිෂ්‍යයෝ චෝදනා කරති.
කොළඹ ජාතික රෝහල ඉදිරිපිට පැයකට ආසන්න කාලයක් විරෝධතාවයේ නියැලුණු උද්ඝෝෂකයෝ සම සෞඛ්‍ය අරගලයේදී අත්අඩංගුවට ගත් මදුෂාන් -නදුන් වහා නිදහස් කරනු ! සෞඛ්‍ය කාර්ය මණ්ඩල හිගයට වහා විසදුම් දෙනු! නිදහස් සෞඛ්‍ය නිදහස් අධ්‍යාපන අයිතීන් රැක ගනිමු! යන සටන් පාඨ සහිත පුවරු ප්‍රදර්ශනය කරමින් සහ
ජනතාවනි -එකතු වෙන්න
මර්දනයට -එරෙහි වෙන්න
සුව සේවය -බේර ගන්න
අපිත් එක්ක -එකතු වෙන්න
ඇත්ත ප්‍රශ්නෙ -යට ගහලා
අමාත්‍යංශය -දොර වහලා
පොලසිය දාලා -ගුටි ගහලා
පරණ පාරේ- යයි ඔහෙලා
රනිල් හදපු -අයි.එම්.එෆ්
වැල් පාලමේ -පාර දිගේ
බැටන් පොල්ල -දික්කරගෙන
ජාජබයත් -දුවන රගේ යන සටන් පාඨ කියමින් උද්ඝෝෂකයෝ පැයකට ආසන්න කාලයක් විරෝධතාවයේ නියැලුණහ.