වැලිකඩ පොලිසිය රාජ් කුමාරිට පසු තවත් තරුණයෙකු අමානුෂික ලෙස පහර දී මරා දමයි!
වැලිකඩ රාජගිරිය පොලිසිය මගින් තරුණයෙකු අතුඅඩංගුවට ගෙන අමානුෂික ලෙස පහර දී ඝාතනය කර මානසික රෝගීයෙකු යයි අංගොඩ රෝහලට ඇතුලත් කර ඇති අතර එහි දී එම තරුණයා මිය ගොස් තිබේ.
මරා දමන තරුණයගේ දේහය එම රෝහලේ මෘත ශරීරාගාරයේ තැන්පත් කර ඇත.
වැලිකඩ පොලිසිය පහර දී මරා දමන ලද තරුණයා මුතුවාඩිගේ සත්සර නිමේෂ් (30_වන අතර ඔහු බදුල්ල මීගහකිවුල ප්‍රදේශයේ පදිංචිකරුවෙකි.
වැලිකඩ රාජගිරිය පොලිසිය මගින් තරුණයා අත්අඩංගුවට ගෙන ඇත්තේ අප්‍රේල් පලමුදා සවස 6.30 ට පමන රාජගිරිය ප්‍රදේශයේදිය.
පොලිසය පවසන පරිදි එම ප්‍රදේශයේ ජනතාව සොරෙකු යැයි සත්සර සැකකපිට පෙලිස් හදිස්සි ඇමතුම් අංශයට කතා කර වැලිකඩ පොලිසියට භාර දී ඇත. පසුව වැලිකඩ පොලිසිය තරුණයාව රැගෙන ගොස් පහරදී අංගොඩ රෝහලට ඇතුළත් කිරිමෙන් අනතුරුව මිය ගොස් තිබේ .
ප්‍රසිද්ධ කාන්තාවක් වන සුදර්මා නෙත්තිකුමාරගේ නිවසේ සේවය කළ ආර්. රාජ් කුමාරිව වර්ෂ 2023 මැයි 11 වන දා වැලිකඩ පොලිසිය මගින් අත්අඩංගුවට ගෙන අමානුෂික ලෙස පහර දි ඝාතනය කෙරිණ. වැලිකඩ පොලිසිය මගින් ඇයව අත්අඩංගුවට ගෙන තිබුනේ නෙත්තිකුමාර්ගේ නිවසෙන් මුද්දක් සොරා ගත්තා යැයි කියන සිද්ධියක් සම්බන්ධයෙන් සැකපිටය. අවුරුදු 38 ක් වයසැති රාජ් කුමාරි බදුල්ල දෙමෝදර නාවල වත්තේ පදිංචිකාරීනියක් වන ඇය දෙදරු මවකි.