ක්‍රිකට් ක්‍රීඩක ධනංජය ද සිල්වාගේ සහෝදරයා අත්අඩංගුවට
ශ්‍රී ලංකා ටෙස්ට් ක්‍රිකට් නායක ධනංජය ද සිල්වාගේ සහෝදරයා වන සාවිත්‍ර ද සිල්වා හෙවත් සංගු පුද්ගලයෙකුට පහර දුන්නා යැයි කියා ගල්කිස්ස පොලීසිය මගින් අත්අඩංගුවට ගෙන ඇත.
සංගුව ඊයේ (10) රාත්‍රියේ රත්මලානේ පිහිටි සිය නිවස අසලදී පුද්ගලයෙකුට පහර දුන්නා යැයි මෙසේ අත්අඩංගුවට ගෙන තිබිණ.
පහරකෑමට ලක් වූ පුද්ගලයා, ධනංජය ද සිල්වාගේ පියා ඝාතනය කිරීමට චෝදනා එල්ලවී ඇති රත්මලානේ කුඩු අංජු සහා ඇල්ටෝ ධර්මේගේ සමීපතමයෙකු බව පොලිසිය පවසයි.
පසුව පහරකෑමට පත් වූ පුද්ගලයා වන ඉන්දික සුරංග සොයිසා නොහොත් රත්මලානේ සුද්දා තවත් පිරිසක් සමග සංගුගේ ගෙදරට පැමිණ ඔහුට පහරදී ඇත.
පොලීසිය සඳහන් කළේ, ගැටුම අතරතුරදී කිසියම් පුද්ගලයෙකු ධනංජයගේ සහෝදරයා වන සංගුට තියුණු ආයුධයකින් පහරදී ඇති බවයි.
පහර ක‍ෑ ඔහු සිය නිවස තුළට දිවගොස් තියුණු ආයුධයක් රැගෙනවිත් රත්මලානේ සුද්දා සහ තවත් අයෙකුට පහරදී ඇතැැැ පොලිසය පවසයි.
පහරකෑමෙන් තුවාල ලැබූ දෙපිරිසම කළුබෝවිල රෝහලට ඇතුළත් කර ඇති අතර, පසුව දෙපිරිසම අත්අඩංගුවට ගත් බව පොලීසිය සදහන් කළේය.
මේ වන විට ධනංජය ද සිල්වාගේ සහෝදරයා වන සාවිත්‍ර සිල්වා හෙවත් සංගු සහ ඔහුගේ පහර කෑමෙන් තුවාල ලැබූ රත්මලානේ සුද්දා සහ තවත් අයෙකු පොලිස් භාරයේ පසුවෙමින් කළුබෝවිලේ රෝහලේ නේවාසිකව ප්‍රතිකාර ලබති.